في عالم كل شي فيه سريع…
إحنا منبطّئ الوقت شوي، ومنفتح مساحة صغيرة لروحِك تتنفس.

ورشة تطريز فلسطيني، مدتها ٣ ساعات، بس إلها أثر بيدوم كتير أكتر.

ورشة مش بس فيها خيوط وإبر… فيها قصص، وسلام، وحكايات بتنغرز مع كل غرزة.

بتقام في سوق الناصرة القديم، بين حجارة بتحكي، وريّحة بتفكّرنا بالبيت الأول.

كل إشي حوالينا بذكّرنا إنو إحنا مش لحالنا…

إحنا امتداد لنساء طرزوا، وعاشوا، وحافظوا على تراث عظيم بخيط وإبرة.

الورشة مفتوحة للكل – لأي واحدة حابّه تتعلم، تجرّب، أو بس تسمع صوت جديد جوّاتها.

🌸 ورح نتعلم سوا:

– أساسيات التطريز الفلسطيني

– الغرزة التقليدية

– كيف نشتغل قطعة بإيدينا

– وشو يعني نطريز حكاية، مش بس شكل

وفي النهاية؟

كل مشاركة بترجع معها مش بس قطعة مطرّزة…

بترجع معها وقت لقضته مع حالها،

ونسمة من تراث بلدها، بذكرها بشعبها ..

هي مش ورشة وبس…

هي رجعة ناعمة لفلسطين.