في عالم سريع... إحنا منحب نبطّئ الإيقاع شوي. ثلاث ساعات، بس... ثلاث ساعات كفيلة إنّها تعرّفك على مهارة جديدة، بترافقك طول العمر 🌿
📍 ورشاتنا بتصير في متجرنا بسوق الناصرة القديم، السوق اللي بيحمل ريحة الماضي، وجوّ الأصالة اللي عاشوه أجدادنا… المكان مش عادي... جُدرانه بتحكي، شوارعه بتتذكّر خطوات أجدادنا، منرجع نزرع فيه حياة، ومنرجع لجذورنا.
إحنا امتداد لنساء طرزوا، وعاشوا، وحافظوا على تراث عظيم بخيط وإبرة.
الورشة مفتوحة للكل – لأي واحدة حابّه تتعلم،تجرّب، أو بس تسمع صوت جديد جوّاتها.
🌸 ورح نتعلم سوا: – أساسيات التطريز الفلسطيني – الغرزة الفلاحية التقليدية الأكثر استخداماً – كيف نشتغل قطعة بإيدينا من الصفر – وشو يعني نطرز حكاية، مش بس شكل
وفي النهاية؟ كل مشاركة بترجع معها مش بس قطعة مطرّزة… بترجع معها وقت لقضته مع حالها، ونسمة من تراث بلدها
